नेपालको शिक्षामा रहेका कमीकमजोरीलाई निर्मूल पार्न उन्नति फाउन्डेशनले ल्याएको कार्यक्रम हो "सारथी"। सारथी कार्यक्रममार्फत उन्नति फाउन्डेशनले नेपालका सामुदायिक तथा दूरदराजमा अध्ययनरत SEE का विद्यार्थीहरूको साथी बनेर उनीहरूको यात्रामा सारथी बन्नेछ। मार्गदर्शन, ज्ञानको पहुँच, प्रविधि हस्तान्तरण र विद्यार्थीहरूको मनोबलमा सकारात्मक परिवर्तन ल्याई नेपालको शिक्षा प्रणालीलाई अन्तर्राष्ट्रिय स्तरमा उकास्नु नै सारथीको प्रमुख दृष्टिकोण हो।

यसै कार्यक्रममा, अम्बिशन गुरुले सारथी परियोजनालाई प्राविधिक सहयोग पनि प्रदान गर्नेछ। अम्बिशन गुरु एक शैक्षिक संस्था हो, जसले शिक्षा क्षेत्रमा उत्कृष्ट उदाहरण प्रस्तुत गर्दै विद्यार्थीहरूको मन जित्दै आएको छ। अम्बिशन गुरुसँग भएका पूर्वाधार र प्रविधिको सहायताले हामी सजिलै नेपालका दूरदराजका गाउँघरसम्म पुग्नेछौं र परिवर्तनका लागि मिलेर पाइला चाल्नेछौं।

शिक्षा आधारभूत आवश्यकता हो, र यसमा सबैको पहुँच हुनु मौलिक अधिकार हो तर कहिले भौगोलिक, कहिले प्राविधिक, या विभिन्न परिस्थितिका कारण हामी पछि परिरहेका थियौं। अब उन्नति फाउन्डेशनको सारथी कार्यक्रममार्फत नेपालको शिक्षा क्षेत्रमा परिवर्तन आउने निश्चित छ।